АҚШ молиялаштирадиган марказ Россия ТИВ, RT ва Sputnik аккаунтларини кузата бошлади

«Демократияни ҳимоя қилиш альянси» Маркази «Россия ташвиқоти»ни кузатиб борадиган сайтни ишга туширди. У Россия ОАВ, жумладан RT телеканали ва Sputnik агентлиги фаолиятини ҳам таҳлил қилиб боради. Бу ҳақда марказнинг расмий сайтида маълум қилинган.

«Демократияни ҳимоя қилиш альянси» доирасида очилган Hamilton 68 ахборот майдони Россия томонидан тармоқда ташвиқот ва нотўғри ахборот тарқатиш чораларини кузатишни таклиф этади», — дейилади хабарда. 

Таъкидланишича, бу тизим «Россия томонидан таъсир кўрсатиш билан боғлиқ 600 та Twitter аккаунтини кузатади».

Хусусан, порталда RT, Sputnik ва Россия ТИВнинг инглиз тилидаги аккаунтларидан иқтибослар келтирилади.