Германия ТИВ раҳбари Туркия-Европа муносабатлари тугаётганлигига ишора қилди
Туркиянинг ўлим жазосини қайта тиклашга уриниши расмий Анқара ва Брюссель ўртасидаги муносабатларнинг кескинлашишига олиб келиши мумкин. Бу ҳақда Германия Федерацияси Ташқи ишлар вазири Зигмар Габриэль “Стерн” нашрига берган интервьюсида гапириб ўтган.
У яна бир бор Туркияда асоссиз ҳибсга олинган немис фуқаросининг масаласига тўхталиб ўтиб, мамлакатда ҳуқуқ, жамоатчилик ва бошқарув соҳасида хизмат қилиб келган минглаб ходимларнинг ишдан бўшатилганини эслаб ўтди.
"Бу йўналишда ҳаракатни давом эттираётган Туркия ҳеч қачон ЕИ аъзолигига қабул қилинмаслиги ҳаммага аён. Такрор-такрор ўлим жазосини қайта тиклашга уриниш Туркия-Европа муносабатларининг якунга яқинлашиб қолганини билдиради. Бу жуда ҳам аниқ”, - дейди Габриэль.
Бундан аввал, вазир Зигмар Габриэль Туркияда ҳибсга олинган ҳуқуқ ҳимоячиларининг иши туфайли Берлин томони Анқарага нисбатан юритаётган иқтисодий сиёсатини ҳамда кредит ва инвестицион дастурларини қайта кўриб чиқишини таъкидлаб ўтган эди.
Мавзуга оид
00:32 / 04.12.2022
Туркиянинг биринчи учувчисиз қирувчи самолёти синов парвозини муваффақиятли амалга оширди
00:54 / 03.12.2022
Туркиялик шарҳловчи ЖЧ-2022 ўйини танаффусида эфирдан четлатилди
23:02 / 01.12.2022
Шолц Бундесверда ўқ-дори танқислиги юзага келганини тан олди
07:20 / 30.11.2022