Хитойдаги зилзила оқибатида ҳалок бўлганлар сони ошмоқда
Хитойнинг Сичуань вилоятида юз берган зилзила оқибатида қурбон бўлганлар сони 20 кишига етди. Бу ҳақда РИА «Новости» Нгава-Тибет-Цян мухтор округи маълумотига асосан хабар қилмоқда.
«Маҳаллий вақт билан соат 12:00 ҳолатига кўра (Тошкент вақти билан соат 9:00) Цзючжайгоу уездида пайшанба куни юз берган 7 магнитудали ер силкиниши оқибатида ҳалок бўлганлар сони 20 кишига етди, яна 431 инсон жабрланди», - дейилади хабарда.
Аввалроқ 19 киши ҳалок бўлгани ва 343 киши жароҳат олгани маълум қилинганди.
Эслатиб ўтамиз, Сичуань вилоятида кучли зилзила 8 август куни кечқурун юз берди.
Ўзбекистон Республикаси Президенти Шавкат Мирзиёев шу муносабат билан Хитой Халқ Республикаси Раиси Си Цзиньпинга ҳамдардлик билдирди.
Мавзуга оид
07:30 / 17.10.2024
Афғонистонда содир бўлган зилзила кучи Сурхондарёда сезилди
18:44 / 16.10.2024
Туркия шарқида яна кучли зилзила содир бўлди
15:52 / 09.09.2024
Марокашдаги зилзилага бир йил тўлди. Аҳоли ҳануз чодирларда яшаб, ҳукумат ваъда қилган ёрдамни кутмоқда
07:30 / 09.09.2024