Каталония ҳукумати автономия сайловларини ўтказмайди

Фото: РИА Новости / Хавьер Луэнго

Каталония ҳукумати автономиянинг сайловлар ўтказиш имкониятини муҳокама қилмаяпти. Женералитет расмий вакили Жорди Турул RAC1 радиостанциясига берган интервьюсида шу ҳақида маълум қилди.

Шанба куни Испания ҳукумати фавқулодда йиғилишда Каталония муаммосини ҳал қилиш учун Конституциянинг 155-моддасини қўллашга қарор қилди. Кабинет женералитет ходимларини ўз лавозимидан четлатишни ва олти ой ичида минтақавий парламентга муддатидан аввалги сайловларни ўтказиш ҳақида эълон қилишни таклиф қилмоқда. Тахминларга кўра, унга қадар Каталония ҳукумати функцияларини Мадрид вакиллари ижро этишади. Бу чоралар Испания сенати томонидан тасдиқланиши керак, йиғилиш 27 октябрда ўтказилиши кутилмоқда.

Женералитет раҳбари Карлес Пучмедон Мадриднинг қарорини Католонияни "камситиш" ва демократияга ҳужум деб атади, шунингдек қиролни ушбу агрессив қарорларни қўллаб-қувватлашда айблади ва кейинги қадамлар муҳокамаси учун Каталония парламенти йиғилишини ўтказади.

Турулнинг сўзларига кўра, Испания вазирлар маҳкамаси қароридан сўнг Каталония бунга жавоб қайтариши муқаррар. Автономияда ушбу қадам минтақанинг мустақил бошқарувини чеклаш сифатида баҳоланди, Мадрид эса буни мутлақо инкор этмоқда.

"Биз қўл қовуштириб ўтирмаймиз... Бу қарорлар ҳафтаси бўлади, бирор сценарийимизда ҳеч нима қилмаслик йўқ", - деди Турул.

#Испания #Каталония

Испаниянинг шимолий-шарқий ҳудудида, Каталония автономиясида, истиқомат қилувчи аҳоли 1 октябрь каталонларнинг мустақиллик масаласини ҳал этиш учун кўчага чиқди. Расмий Мадрид ушбу ҳаракатни йўққа чиқариш мақсадида маҳаллий полиция кучидан фойдаланмоқда.