Хитойлик борт кузатувчиси самолётдан тушиб кетди

Фото: scmp.com

Хитойнинг China Eastern авиакомпанияси борт кузатувчиси эшикни ёпишга уринаётганда самолётдан тушиб кетди. South China Morning Post шу ҳақидаги хабари билан бўлишди.

Манбада таъкидланишича, воқеа 23 октябрь куни Шэньчжэнь шаҳри аэропортида рўй берган. Уч метр баландликдан тушиб кетган борт кузатувчисини самолётнинг парвозга тайёрлаш ишларини якунлаётган техник хизмат ходимлари кўриб қолишган.

Қиз шифохонага етказилган, унда қатор ёриқлар ва жароҳатлар аниқланган.

Маълумотларга кўра, борт кузатувчиси самолёт эшигини қоидага хилоф равишда ёпишга уринган. Қоидага кўра, самолёт эшиги экипажнинг икки нафар аъзоси иштирокида ёпилиши керак.