Исроил Мадримов халқаро турнирнинг кумуш медали билан кифояланади

Бугун, 26 ноябрь куни Россиянинг Белоярский шаҳрида бокс бўйича «Нефт мамлакатлари кубоги» финал жанглари бўлиб ўтмоқда. Унда Ўзбекистон терма жамоасининг 4 боксчиси рингга кўтарилиши ҳақида аввалги хабарларимизда маълум қилган эдик. 

Унда 75 кг вазн тоифасидаги иқтидорли ўзбек боксчиси Исроил Мадримов россиялик спортчи Андрей Ковалчукка қарши рингга кўтарилди. 

Уч раунд якунига кўра, ҳакамларнинг якдил қарори билан Мадримов рақибига имкониятни бой берди ва мусобақанинг кумуш медалини қўлга киритди. 

Эслатиб ўтамиз, бунгача янги вазнда иштирок этган Ҳасанбой Дўсматов ушбу халқаро турнирнинг -52 кг вазнида олтин медални қўлга киритди. Энди ўзбекистонлик яна бир боксчи Санжар Турсунов (-91 кг) мезбон спортчилардан бири Василий Зверьянга қарши рингга кўтарилади.