Британиялик пицца харид қилиш учун тракторда келди

Англиянинг Камбрия графлиги йўл полицияси хабар қилишича, ярим тунда пицца харид қилишга келган фуқарони қўлга олгани ҳақида хабар қилмоқда. Гап шундаки, у таомни олиб кетиш учун тракторда келгани сабабли, маст қилувчи ичимлик таъсирида бўлгани гумон қилинаяпти. 

Графлик полицияси Twitter микроблогида тунги вақтда олинган фотосуратни жойлаштирди. "Ушбу транспорт воситаси ҳайдовчиси Карлайл шаҳарчасидаги пиццани тракторда олиб кетишга уринган. У алкоголли ёки наркотик мастлик ҳолатида ҳайдовчилик қилгани учун ушланди", — дейилади хабарда. 

Ҳуқуқ-тартибот идораси ходимлари вазиятга ҳазил билан ёндашишган ва хабарни "омадсиз" ва "оч қолган" каби ҳештеглар билан эълон қилишган.