«Манчестер Юнайтед» қаторасига иккинчи марта дунёнинг энг муваффақиятли клуби бўлди

«Манчестер Юнайтед» клуби қатораисга иккинчи марта дунёнинг энг даромадли клуби бўлди, деб хабар беради ТАСС.

Deloitte аудитор компанияси эълон қилган рўйхатда, «МЮ» 2016/17 мавсумида 676 млн евро даромад билан биринчи ўринни қўлга киритди. Жамоа Европа Лигасида ғалаба қозониб, 44,5 млн евро ишлаб топди.

Мадриднинг «Реал» клуби ундан 1,7 млн евро кам даромад олиб, иккинчи ўринни эгаллади.

Энг муваффақиятли клублар бешталигига «Барселона» (648,3 млн евро), «Бавария» (587,8 млн евро) ва «Манчестер Сити» (527,7 млн евро) ҳам кирди.

Deloitte башоратига кўра, келаси мавсумда АПЛ клубларининг умумий даромади 8 млрд евродан ошади ва муваффақиятли клублар сафида инглиз клублари яна кўпаяди.