Қозоғистонда 300 дан ортиқ самолётга парвоз қилиш бўйича тақиқ қўйилди

Фото: CA News

Қозоғистон Инвестициялар ва ривожланиш бўйича вазирлигининг Фуқаролик авиацияси қўмитаси 300 дан ортиқ ҳаво кемаларига парвозларни амалга ошириш бўйича тақиқ қўйди. Бунга уларнинг рухсат ҳужжатлари амал қилиш муддати якунлангани сабаб бўлди. Тегишли буйруқни идора раиси Талгат Ластаев имзолади.

Парвозлар ва аэронавигация бошқармаси, ҳаво ҳаракатини ташкил этиш органларига ушбу самолётлар томонидан парвозлар амалга оширилишига йўл қўймаслик бўйича назоратни таъминлаш вазифаси юкланди.

Қайд этилишича, буйруқ доимий кучга эга.

#Қозоғистон #самолёт