«Ўзбекистон ҳаво йўллари» самолёти фавқулодда қўнишни амалга оширди

Фото: Ўзбекистон ҳаво йўллари

2018 йилнинг 11 мартида Москва-Бухоро йўналиши бўйича 608-сонли HY 608 қатновини бажараётган Boeing 767 ҳаво кемаси йўловчилардан бирининг саломатлиги ёмонлашгани боис, Самара шаҳри аэропортига фавқулодда қўндирилди. Бу ҳақда МАК ахборот хизмати хабар бермоқда.

Қайд этилишича, «Курумоч» аэропортида Ўзбекистон фуқаросига биринчи тиббий ёрдам кўрсатилди ва Самара шаҳридаги клиникалардан бирига жойлаштирилган.

«Ўзбекистон ҳаво йўллари» Миллий авиакомпаниясининг Boeing 767 лайнери экипажи маҳаллий вақт билан соат 19:15да белгиланган йўналиш бўйича парвозларни амалга оширди ва Тошкент вақти билан 22:41да «Бухоро» халқаро аэропортига қўнган.