Telegram'дан фаол фойдаланувчилар сони 200 миллионга етди

Фото: РИА Новости

Telegram'дан фаол фойдаланувчилар сони 200 миллионга етди, дейилади мессенжернинг расмий сайтида.

Хабарда таъкидланишича, агар мессенжер мамлакат бўлганида у дунёда аҳоли сонига кўра олтинчи энг катта давлат бўларди.

"Биз одамларга сўзсиз ишонадиган бир пайтда 200 миллион одам ҳам бизга худди шундай ишонар экан", - дейилади релизда.

Telegram — матн ва файллар билан алмашиш имконини берувчи, смартфонлар учун бепул мессенжер. Дастур хорижий бозорларга мўлжалланган бўлиб, инглиз тилида ишланган. Сервис 2013 йилда ишга туширилган.