Роскомнадзор Telegram ҳақида: бизнинг айбимиз йўқ

Фото: РИА "Новости"

Роскомнадзор Telegram мессенжери ишидаги носозликка изоҳ берди ҳамда бунга алоқадор эмаслигини маълум қилди. Бу ҳақда идоранинг «ВКонтакте»даги расмий саҳифасида хабар берилган.

«Бугун фойдаланувчилар Telegram ишидаги носозликдан шикоят қилишмоқда. ОАВ маълумотларига кўра, энг кўп шикоят Россия, Италия, Испания, Франция, Буюк Британия, Украина ва Қозоғистондан келмоқда. Агарда сизлар барчасида Роскомнадзорни гумон қилаётган бўлсангиз, билингларки – бизнинг бу масалага алоқамиз йўқ», - дейилади баёнотда.

Эслатиб ўтамиз, аввалроқ Telegram асосчиси Павел Дуров Telegram'даги носозликка изоҳ берганди.