“ВКонтакте”нинг собиқ бошқарувчиси Telegram вице-президенти этиб тайинланди

Фото: Александр Коряков / Коммерсантъ

“ВКонтакте” ижтимоий тармоғининг собиқ вице-президенти Илья Перекопский Telegram мессенжери вице-президенти этиб тайинланди. Таъкидланишича, у мессенжер бизнесини ривожлантириш билан шуғулланади.

2017 йил охирида Telegram асосчиси Павел Дуров 2018 йил бошида компания мессенжер орқали пул топиш билан шуғулланишни бошламоқчилигини айтган. Бироқ у бу қандай амалга ошишига аниқлик киритмаган.

2018 йил январда Telegram ICO ўтказмоқчилиги маълум бўлган. Мессенжер янги платформаси TelegramOpen Network’нинг токенларини жойлаштириш орқали 1,7 млрд доллар жалб қила олди.