Оқ уй Германия канцлери Ангела Меркелнинг Вашингтонга келишига тайёргарлик кўрилаётгани ва унинг деталлари ҳозирча муҳокама қилинаётганини маълум қилди. Бу ҳақда журналистларга Оқ уй матбуот котиби ўринбосари Хоган Гидли айтиб ўтган.
Аввалроқ Меркелнинг Вашингтонга ташрифи апрель охирида бўлиши кутилаётгани маълум қилинган. Bild нашри манбаларга иқтибос келтирган ҳолда Трамп ва Меркель учрашуви 27 апрелда ўтишини маълум қилган.
4 апрелда АҚШ президенти Дональд Трамп Германияни “Шимолий оқим-2” газ қувури қурилишига инвестициялар киритгани, НАТО бюджетига кам миқдордаги тўловлар ва “Скрипаль иши” бўйича етарлича қатъий позицияга эга эмаслиги учун танқид қилганди. Трамп АҚШ бу иш бўйича 60 нафар россиялик дипломатни, Германия эса бор-йўғи 4 дипломатни чиқариб юборганини таъкидлаб ўтган.
