Фото: screenshot
Хитойлий йигит носоз аттракциондан қулаб, шифохонада ҳаётдан кўз юмди. Daily Mail нашри шу ҳақида хабар берди.
Воқеа Хэнань провинциясининг Сюйчан округида содир бўлди. 23 ёшли йигитнинг кутилмаганда хавфсизлик камари ечилиб кетди. Оломон аттракцион пастлаганида ундан сакрашга чақирди, бироқ йигит бунинг уддасидан чиқа олмади ва охир-оқибат аттракциондан қулади.
Жабрланувчини дарҳол шифохонага етказишди, бироқ шифокорлар унинг ҳаётини сақлаб қола олишмади.
Сюйчан округи хавфсизлик хизмати вакиллари дастлабки тергов якунлари бўйича воқеа техник носозлик натижасида рўй берганини маълум қилишди.
