Трамп ва Путин Эрон бўйича музокараларни режалаштирмаяпти

Россия президенти матбуот котиби Дмитрий Песковнинг маълум қилишича, Россия ва АҚШ президенти Владимир Путин ҳамда Дональд Трамп Эрон ядровий келишуви бўйича мулоқот ўтказиши ҳозирча режалаштирилмаяпти. Бу ҳақда РИА «Новости» хабар берган.

«Президент йўналиши бўйича, менга маълум бўлишича, ҳозирча йўқ. Қандайдир алоқалар ва мулоқотлар режалаштирилаётгани йўқ», - деди Песков АҚШ билан Эрон келишуви масалалари бўйича қандайдир алоқалар режалаштирилганига доир саволга жавоб берар экан.

Франция президенти Эммануэль Макрон 23 апрель куни АҚШга биринчи расмий ташрифи билан келади. Трамп билан музокараларда, кутилишича, Эрон ядровий келишуви асосий масалалардан бирига айланади.

Эслатиб ўтамиз, аввалроқ Эрон президенти Ҳасан Руҳоний миллий атом агентлигида, агарда АҚШ ядро келишувини тарк этадиган бўлса, «кутилган ва кутилмаган» реакция вариантлар бор экани ҳақида маълум қилганди.