Қозоғистон Россиядан яна қирувчилар сотиб олади

Фото: Антон Балашов/РИА «Новости»

Қозоғистон Россиядан Су-30СМ кўп нишонли қирувчиларнинг навбатдаги партиясини сотиб олади. Бу ҳақда «Корпорация «Иркут» расмий сайти хабар бермоқда.

Тегишли шартномани имзолаш маросими Остонада бўлиб ўтаётган «KADEX-2018» Халқаро қурол-яроғ ва ҳарбий-техник мулклар кўргазмаси давомида ўтказилди.

Су-30СМ кўп нишонли қирувчиларнинг янги партиясини етказиб бериш бўйича шартнома «Казспецэкспорт» ва «Корпорация «Иркут» ўртасида имзоланган.

Шартнома доирасида «Корпорация «Иркут» Қозоғистонга Су-30СМ самолётлари партиясини етказиб беради. Шартномани бажариш 2020 йилда якунланади. Қирувчилар 2015 йилдан буён Қозоғистон ҳаво мудофааси кучларида бўлган шу каби жанговар машина паркини тўлдиради.