Трамп Афғонистондаги АҚШ қўшинлари қўмондони лавозимига номзод таклиф қилди

Фото: АҚШ Махсус амалиётлар қўшма қўмондонлиги

АҚШ президенти Дональд Трамп генерал-лейтенант Остин Скотт Миллерни Қўшма Штатларнинг Афғонистондаги Қуролли кучлари қўмондони лавозимига номзод сифатида таклиф этди. Бу ҳақда The Hill хабар бермоқда.

Портал маълумотларига кўра, агар АҚШ сенати Миллерни бу лавозимга тасдиқласа, у НАТОнинг Афғонистондаги «Қатъий қўллаб-қувватлов» жанговар бўлмаган миссияси қўмондонлигини ҳам қабул қилиб олади.

Таъкидланишича, генерал Миллер ҳозирги пайтда АҚШ Махсус амалиётлар қўшма қўмондонлигига раҳбарлик қилмоқда.

Эслатиб ўтамиз, аввалроқ ШҲТ учун терроризм ва экстремизм таҳдиди қаердан келаётгани айтилганди.