Россия Ҳиндистон билан сув ости кемаларини ишлаб чиқариши мумкин

Россия Ҳиндистонга сув ости кемаларини биргаликда лойиҳалаштириш ва қуришни таклиф қилмоқда. Бу Деҳли маъмуриятига янги авлод сув ости кемаларини харид қилиш таннархини арзонлаштиришга имкон беради. Бу ҳақда The Economic Times нашри ўз манбаларига асосланиб ёзмоқда. 

Қайд этилишича, бу таклиф Ҳиндистоннинг 6та янги дизель-электрли сув ости кемасини харид қилиш тендерига муқобил ечимни таклиф этди. Сув ости кемаларини харид қилиш тендерининг қиймати 10 млрд долларни ташкил этмоқда. 

Россия таклифи Ҳиндистон ҳукумати талабларига мос келувчи сув ости кемаларини ишлаб чиқишни ўз ичига олади, деб ёзади газета.