АҚШ ҲҲК муваффақиятсиз синов давомида Minuteman III ракетасини йўқ қилди

Фото: DANIEL BROSAM/U.S. AIR FORCE

АҚШ ҳарбий-ҳаво кучлари синов парвози вақтида Minuteman III қитъалараро баллистик ракетани Тинч океани узра йўқ қилишга қарор қилди. Бу ҳақда Sputnik International Америка Қўшма Штатлари ҳарбий-ҳаво кучлари глобал зарбалар қўмондонлигига асосан хабар бермоқда.

Таъкидланишича, ракета хавфсизлик нуқтаи назаридан синов парвози вақтида аниқланган аномалиялар туфайли йўқ қилинган. Ракета Калифорния штатининг Ванденберг авиабазасида жойлашган учириш қурилмасидан парвозга чиқарилган, ҳамда соат 04:42да (Тошкент вақти билан 16:42) унга ўз-ўзини йўқ қилиш ҳақида сигнал юборилди.

АҚШ ҳарбий-ҳаво кучлари вакилларининг таъкидлашича, ракета жанговар каллакка эга бўлмаган.