Россияда йил бошидан буён нечта терактнинг олди олингани маълум қилинди

Россия бош прокурори биринчи ўринбосари Александр Буксманнинг маълум қилишича, мамлакатда йил бошидан буён тайёргарлик ва режалаштириш босқичида бўлган 19 терактнинг олди олинган. Бош прокурор ўринбосарининг сўзлари РИА «Новости» томонидан келтирилди.

«19та теракт тайёргарлик ва суиқасд босқичида тўхтатиб қолинди», - дея айтиб ўтди Буксман. 

У коллегияда ярим йиллик якунлари бўйича шундай баёнот берди.

Аввалроқ, Россия бош прокурори Юрий Чайка 2017 йилда мамлакатда мингга яқин экстремистлар аниқлангани ҳақида маълум қилганди. Шунингдек, унинг таъкидлашича, 2017 йилда экстремистик характердаги жиноятлар сони 5 фоизга ошган. Унинг сўзларига кўра, 2017 йилда Россияда 24та терактнинг олди олинган. 

Эслатиб ўтамиз, аввалроқ Петербург метросидаги теракт бўйича янги тафсилотлар ошкор қилинганди.