Хитой ва Франция бир томонлама ҳаракатлар сиёсатига қарши чиқди

Фото: Xinhua/Liu Bin

Хитой ва Франция ташқи сиёсат идоралари раҳбарлари Ванг И ҳамда Жан-Ив Ле Дриан бир томонлама ҳаракатлар сиёсатига қарши чиқдилар. Бу ҳақда РИА «Новости» хабар бермоқда.

«Жорий йилнинг бошидан бери халқаро майдондаги вазият янада мураккаб ва ўзгарувчан бўлиб келмоқда, мультилатерализм муаммоларга дуч келмоқда, халқаро қоидалар принципларига зарба берилди. Хитой ва Франция тинчлик ва барқарорлик, очиқлик ҳамда ҳамкорлик, тараққиёт ва ривожланишга умумий интилишлар тарафдори бўлган йирик масъул давлатлардир», - деди Ван И.

Ўз навбатида, Франция вакилининг таъкидлашича, ҳозирги кунда дунёда унилатерализм ва куч сиёсати кўтарилган даражада турибди.

Эслатиб ўтамиз, аввалроқ Пентагон Россия ва Хитой ўртасида ҳарбий иттифоқ тузилишига шубҳа билдирганди.

#Хитой #Франция