Pentagon Rossiya va Xitoy o‘rtasida harbiy ittifoq tuzilishiga shubha bildirdi

AQSh Pentagon rahbari Jyeyms Mettis Rossiya va Xitoy o‘rtasida harbiy ittifoq tuzilishi mumkinligiga shubha bilan qaradi. Bu haqda RIA «Novosti» xabar bermoqda.

Mettisning so‘zlariga ko‘ra, Moskva va Pekin o‘z manfaatlarini ko‘zlab ish tutmoqda. Uning bildirishicha, qo‘shma mashqlar o‘tkazilishiga qaramasdan, davlatlar o‘rtasida harbiy ittifoq tuzilishi deyarli imkonsiz.

«Men uzoq vaqt mobaynida Rossiya va Xitoyni nima birlashtirib turishini ko‘ra olmayapman», - deya ma'lum qildi Mettis.

Eslatib o‘tamiz, avvalroq AQShda rossiyalik harbiylarning o‘lda-jo‘lda ish qilishidan kulishgandi.

AQShdagi Business Insider nashri Rossiya harbiy texnikasi, birinchi navbatda, T-34 va T-72 tanklari bilan bog‘liq turli hodisalar tasvirlangan qator roliklarni bir kadrga jamlab chiqdi.