Қашқадарёда жанжал оқибати фожиали якунланди

Фото: KUN.UZ

23 сентябрь куни Қашқадарё вилоятининг Чироқчи туманида жиноят юз берди. Бу ҳақда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабар қилмоқда.

Маълум бўлишича, шу туманда яшовчи Т.Қ. “Хайиткўл” МФЙ ҳудудида ўзаро жанжал оқибатида Ш.Ж.нинг пешона қисмига тош билан уриб жароҳат етказиб, воқеа жойидан яширинган.

Натижада Ш.Ж. касалхонага ётқизилиб, кўрсатилган тиббий муолажаларга қарамай шу ерда вафот этган. Кўрилган чоралар натижасида Т.Қ. ушланди.

Ҳолат юзасидан жиноят иши қўзғатилган. Тергов ҳаракатлари олиб борилмоқда.