Марказий банк чакана тўлов тизимини номлаш бўйича уч вариант эълон қилди

Марказий банк томонидан 24 сентябр куни эълон қилинган миллий чакана тўлов тизимининг номини аниқлаш бўйича ўтказилган танлов натижалари асосида иккинчи босқич учун рўйхат (шорт-лист) аниқланди.

Танловнинг биринчи босқичида чакана тўлов тизими номини аниқлаш юзасидан 2 439 та таклиф келиб тушди ва танлов шартларига кўра қуйидаги номлар энг оммабоп деб топилди:

1.  ҲУМО
2.  АДРАС
3.  АНОР

Иккинчи босқичда овоз бериш 2018 йил 22 октябргача давом этади.

Энг кўп овоз тўплаган ном янги миллий чакана тўлов тизимининг брендига айланади.

Эслатиб ўтамиз, аввалроқ МБ чакана тўлов тизими номини аниқлаш учун танлов ўтказаётгани хабар берилганди.