Ҳуқуқни муҳофаза қилиш органлари ходимлари АҚШ миллий разведкаси собиқ директори Жеймс Клепперга жўнатилган портловчи қурилма солинган ўн иккинчи посилкани аниқлашди. Бу ҳақда CNN телеканали хабар берди.
Манба берган маълумотларга кўра, посилка Манхэттендаги почта жўнатмаларини саралаш марказида топилган.
Қайд этилишича, унда Клэппернинг исми ва CNN таҳририятининг Нью-Йоркдаги манзили ёзилган. Клэппер ушбу телеканалда тез-тез шарҳловчи сифатида чиқиш қилади.
Аввалроқ саккизта манзилга жўнатилган ўн битта портловчи қурилма топилганди. Улар актёр Роберт Де Ниро, молиячи Жорж Сорос, АҚШ собиқ давлат котиби Хиллари Клинтон, собиқ президент Барак Обама, МРБ собиқ директори Жон Бреннан, собиқ адлия вазири Эрик Холдер, вакиллар палатаси аъзоси Максин Уотерс ва собиқ вице-президент Жозеф Байденга жўнатилган. Уларнинг барчаси либерал қарашлари ва президент Дональд Трампни танқид қилишлари билан танилган.
АҚШ, бомба
