Асли Флоридадан бўлган, Лондонда яшовчи Элеонора исмли аёл дунёнинг турли мамлакатлари бўйлаб саёҳат қилади ҳамда ўз сайтида саёҳат билан боғлиқ ғоялар, ҳикоялар ва суратлар билан бўлишади. Навбатдаги мақоласида у Ўзбекистонга саёҳат қилишга ундовчи 20 сурат билан бўлишиб, уларга изоҳ берган.
«Мен бир йил давомида Ўзбекистонда яшаб, ишладим. Аксарият хориж фуқаролари каби мен ҳам илгари бу мамлакат ҳақида кўп маълумотга эга эмас эдим. Тез орада мен Ўзбекистон илгари яшаган ва саёҳат қилган барча йўналишларимдан фарқланишига амин бўлдим. Мамлакат бўйлаб уёқдан буёққа югуриб, унга меҳр қўйдим.
Ўзбекистон Буюк Ипак йўли билан боғлиқ қадимий тарихга эга.
Маданият, савдо-сотиқ, ислом анъаналари, математика, ажойиб меъморчилик ва совет меросини ўзида жамлаган мамлакат. Ўзбекистон - кўп контрастлар мамлакати. Тошкентдаги совет меъморчилиги, яшил боғлар ва кенг кўчалардан то мовий рангли мадрасалару саҳроларгача. Сайёҳ сифатида бу ерда илиқлик ва меҳмондорчиликни ҳис қиласиз.
Ушбу постимда Ўзбекистонда яшаган давримда у ерда олинган севимли суратларим билан бўлишаман.
Қадимий Самарқанд, Бухоро ва Хива шаҳарларидан тортиб, то Қорақалпоғистон орқали йўқ бўлиб бораётган Орол денгизи ҳамда Зомин миллий паркигача. Саёҳат қилиш учун тарихий обидалар ва ноёб ҳудудлар жуда кўп!
Қуйида Ўзбекистонга саёҳат қилишга чорловчи 20 сурат!» - деб ёзади у.
