Гвардиола терма жамоани бошқариш нияти борлигини айтди

«Манчестер Сити» бош мураббийи Хосеп Гвардиола келажакда терма жамоани бошқариш орзуси борлигини, бу билан кўпроқ бўш вақтга эга бўлишни истаётганини тан олди.

«Миллий терма жамоани бошқаришни истайман. Эртами ёки кечми бу юз беради, чунки ҳар сафар уч кун ишлаб, кўпроқ дам олишни, гольф ўйнашни орзу қиламан. Ҳозир бунга умуман вақтим йўқ.

Ҳа, бу қачонлардир юз беради. Қайсидир терма жамоа мени чақирса, бу имкониятдан фойдаланаман. Кўрамиз», – деб Гвардиола сўзларини келтирмоқда Sky Sports.

Мутахассиснинг «Манчестер Сити» билан имзолаган шартномаси 2021 йилгача амал қилади.