Трамп Пентагонга 750 миллиард доллар ажратишга рози бўлди

Фото: Yuri Gripas/Reuters

АҚШ президенти Дональд Трамп Пентагонга 750 миллиард доллар миқдорида молиялаштириш ажратишга рози бўлди. Бу ҳақда CNN телеканали президент маъмуриятидаги манбаларга асосан хабар қилмоқда.

Манбалар маълумотига кўра, Америка президенти бундай қарорни мудофаа вазири Жеймс Мэттис ҳамда конгрессменлар билан бир қатор учрашувлар ўтказганидан кейин қабул қилди.

Таъкидланишича, Трамп яқинда Пентагон учун 716 миллиард доллар миқдорида бюджет ажратиш таклифини «аҳмоқлик», деганди.

Эслатиб ўтамиз, аввалроқ Трамп АҚШ собиқ давлат котиби Рекс Тиллерсонни анқов ва дангаса деб атаганди.