Марказий банкнинг Иқтисодиётнинг базавий тармоқларини молиялаштириш бўйича тижорат банклари фаолиятини мониторинг қилиш департаменти директори лавозимида ишлаб келаётган Зафар Азимов Саноатқурилишбанк бошқаруви раиси ўринбосари лавозимига муносиб кўрилмоқда.
Банк ва мижоз Telegram-канали тарқатган хабарга кўра, Азимов номзоди Президент маслаҳатчиси У.Исмоилов томонидан маъқулланган.
«Шунингдек, бугунги кунда Марказий банк Раисининг сўнгги тайинланган ўринбосарлари ҳам ушбу муассаса департамент директорлари лавозимида ишлаб келган», — деб таъкидланади ахборотда.
Эслатиб ўтамиз, аввал Ипотека банк бошқаруви раислигига ҳам Марказий банк раиси ўринбосари лавозимида ишлаган Шуҳрат Атабаев тайинланган эди.
