АҚШ ва Хитой ўртасидаги савдо битими бўйича янги маълумот берилди

Пекин ва Вашингтоннинг савдо битими бўйича музокаралари якуний босқичда бўлиб, март ойи охирида томонлар келишувга эришилгани ҳақида эълон қилиши мумкин. Бу ҳақда The Wall Street Journal газетаси музокаралардан хабардор манбаларга асосан ёзмоқда.

Газета маълумотларига кўра, Хитой Қўшма Штатлардан қишлоқ хўжалиги, кимё, автомобиль ва бошқа маҳсулотлар учун тарифлар ҳамда бошқа чекловларни пасайтиришга рози. АҚШ, ўз навбатида, ўтган йили Хитойда ишлаб чиқарилган аксарият маҳсулотларга қўйилган санкцияларнинг кўпчилигини, ҳатто эҳтимол, барчасини олиб ташлаш ҳақида ўйламоқда.

Шу билан бирга, манбаларнинг таъкидлашича, томонлар ўртасида айрим қарама-қаршиликлар ҳали ҳам бор. Шунингдек, улар АҚШ ва Хитой вакиллари бошқа томон учун «жуда қулай» шартлар туфайли ўз ватанида танқидга учраши мумкинлигидан огоҳлантирди.

Тахминларга кўра, Америка пойтахтида бўлиб ўтадиган Пекин ҳамда Вашингтоннинг музокаралари давомида бу жараён шаклланиши мумкин.

Эслатиб ўтамиз, аввалроқ Трамп Хитойга талаб қўйганди.