Foto: Leah Millis/Reuters
AQSh prezidenti Donald Trampning ma'lum qilishicha, Xitoy hukumatidan Amerika qishloq xo‘jaligi mahsulotlari uchun bojlarni darhol olib tashlashni so‘ragan. Bu haqda u tvitterda yozdi.
Trampning qayd etishicha, mamlakatlar o‘rtasidagi savdo muzokaralari muvaffaqiyatli o‘tmoqda.
«Men Xitoydan bizning qishloq xo‘jaligi mahsulotlarimiz, shu jumladan, mol go‘shti va boshqa tovarlardan tariflarni darhol olib tashlashni so‘radim, sababi muzokaralarimiz muvaffaqiyatli davom etmoqda», - deya yozgan u.
Eslatib o‘tamiz, avvalroq Tramp Si Tszinpin bilan uchrashuv joyini ma'lum qilib, «juda katta yangiliklar» haqida va'da bergandi.
