![](https://storage.kun.uz/source/4/S4UvnvoMgZhWA5AAj_NcU53OI6NqnbrC.jpg)
Фото: REUTERS
Туркия президенти Ражаб Тоййиб Эрдўғаннинг Haberturk телеканалига интервьюда маълум қилишича, шу йилнинг июль ойида Россия С-400 зенит ракета комплексларини Туркияга етказиб беришни бошлайди.
Эрдўғаннинг таъкидлашича, Россияга тегишли С-400’ни сотиб олиш масаласи «ҳал қилиб бўлинган». Унинг сўзларига кўра, битим якунига етказилгани тўғрисида АҚШ президенти Дональд Трампни ҳам хабардор этган.
Бундан олдин, АҚШ С-400 туфайли Туркияга «жиддий оқибатлар» билан таҳдид қилганди.
Пентагон расмий вакили Эрик Пэхоннинг қайд этишича, Вашингтон Туркиянинг ўз ҳаво ҳужумидан мудофаа тизимини яхшилаш истагини тушунади, аммо С-400’ни сотиб олиш Анқаранинг АҚШ ва НАТО билан ҳамкорлигига чекловлар қўяди.