АҚШ С-400 сабабли Туркияга F-35 қирувчи самолётлари учун материалларни етказиб беришни тўхтатди
АҚШ Анқара Россиянинг С-400 зенит-ракета мажмуаларини сотиб олаётгани сабабли Туркияга F-35 қирувчи самолётлари учун материалларни етказиб беришни тўхтатди.
Туркия F-35 Lightining II самолётидан камида 100 та сотиб олмоқчи бўлган. Аввалроқ АҚШ конгресси Анқаранинг С-400’ни сотиб олмоқчи бўлаётгани сабабли Туркияга қирувчи самолётлар етказиб берилишини тўхтатмоқчилигини айтган.
Аввалроқ АҚШнинг Lockheed Martin компаниясининг Форт-Уэртдаги корхонасида Туркияга илк иккита F-35 самолёти топширилиши маросими бўлиб ўтган. Ушбу самолётлар туркиялик учувчиларни ўқитиш учун 2019 йил ноябргача АҚШда қолади.
2017 йилда тузилган С-400 мажмуаларини етказиб бериш келишуви Анқара ва Вашингтон ўртасидаги дипломатик зиддиятларга олиб келган. Вашингтон Туркиядан АҚШнинг Patriot мажмуалари эвазига С-400’ни сотиб олишдан воз кечишни талаб қилмоқда. Бироқ Туркия ҳукумати бу масалада қатъий фикрга эга бўлиб, Patriot’ни сотиб олса ҳам С-400’дан воз кечишни режалаштирмаётгани маълум қилинган.
Мавзуга оид
13:00 / 18.09.2024
Россия элчиси: АҚШ билан қурол назорати бўйича мулоқот имконсиз
10:40 / 18.09.2024
CNN: АҚШ захиралар камайиши туфайли Украинага ёрдамни қисқартирди
18:33 / 17.09.2024
Ўзбекистон ва АҚШ ўртасида муҳим минераллар бўйича меморандум имзоланди
14:10 / 17.09.2024