Boeing 737 MAX самолётлари ишлаб чиқаришни қисқартирди

Фото: Stephen Brashear/Getty Images

Boeing корпорацияси иккита авиаҳалокатдан кейин кўплаб мамлакатларда парвозлари тақиқлаб қўйилган 737 MAX самолётларини ишлаб чиқариш қисқартирилиши тўғрисида хабар берди.

Апрель ойи ўрталаридан Boeing бир ойда 52та самолёт ўрнига 42та лайнер ишлаб чиқаришни бошлайди. Бу корпорацияга ҳалокатлар билан алоқадор экани айтилаётган дастурий таъминотдаги муаммоларни тўғрилашга бор эътибор қаратиш учун имкон беради.

Аввалроқ, корпорация мижозларга янги Boeing 737 MAX самолётлари етказиб беришни тўхтатди.

Бундан олдин, Индонезиядаги Boeing 737 ҳалокатининг янги тафсилотлари ошкор этилганди.

Bloomberg хабарига кўра, Индонезияда ҳалокатга учраган, Lion Air авиакомпаниясининг Boeing 737 MAX самолёти ҳужум бурчаги носоз датчиги авиаҳалокатдан олдин АҚШдаги самолётларга техник хизмат кўрсатиш марказида таъмирланган.

Тайёрлаган: Отабек Матназаров

#Boeing #самолёт