Америка президенти Дональд Трамп АҚШ Хитой билан савдоларда миллиардлаб доллар йўқотишни истамаслигини билдирди.
"АҚШ кўп йиллар давомида савдода йилига 600дан 800 миллиард долларгача йўқотди. Хитой билан савдоларда 500 миллиард йўқотяпмиз. Кечирасиз, энди бундай қилмоқчи эмасмиз!" – деб ёзди Трамп Twitter’да.
Якшанба куни Трамп Хитойнинг қатор маҳсулотларига бож тўловини 10% дан 25%га оширишини ҳамда бошқа маҳсулотларга бож жорий этилишини билдирди.
Хитой ТИВ расмий вакили Гэн Шуан Хитой делегацияси навбатдаги савдо маслаҳатлашувларида қатнашиш учун АҚШга боришга тайёргарлик кўраётганини маълум қилди. АҚШ ва Хитойнинг савдо бўйича музокаралари 30 апрелда Пекинда бўлиб ўтганди, навбатдаги музокаралар 8 майда Вашингтонда бўлиб ўтиши режалаштирилган.
