Сеулдаги ёнғинда ҳалок бўлган ўзбекистонлик талабанинг жасади Тошкентга жўнатилди

Ўзбекистоннинг Корея Республикасидаги элчихонаси берган маълумотга кўра, 2019 йилнинг 9 май куни Сеул шаҳридаги квартирада содир бўлган ёнғин натижасида ҳалок бўлган Ўзбекистон фуқароси Фаррух Мўминовнинг (1996 йилда туғилган) жасади Тошкентга жўнатилди.

Ёнғин чоғида иккинчи даражали куйиш олган талаба Мутал Йўлдошев (1997 йилда туғилган) «Ханил» касалхонасига жойлаштирилган, унга малакали тиббий ёрдам кўрсатилмоқда. 

ТИВ хабарида айтилишича, 11 май куни жабрланувчининг отаси ва акаси Сеул шаҳрига етиб келган ҳамда М.Йўлдошев таълим олган «Ханкук» университети кўмагида уларга яшаш жойи борасида ва бошқа масалаларни ҳал қилишда ёрдам кўрсатилган.

Ҳозирги пайтда Жанубий Корея томони ёнғиннинг барча сабабларини аниқлаш учун тергов ҳаракатлари давом эттирилмоқда.