Президент: «Амалдорлар хорижга туристдек бориб келмаслиги керак»
Сенатнинг 20-ялпи мажлисида нутқ сўзлаган Шавкат Мирзиёев давлат амалдорларининг хорижий мамлакатларга сафарлари тўғрисида гапирди.
«Авваллари кўплаб амалдорлар хорижга чиқа олмасди, ҳозир эса тақиқ йўқ. Кўплаб давлатлар Ўзбекистон билан ҳамкорлик қилишни исташади. Муносабатларни яхшилаш керак. Лекин амалдорлар хорижга туристдек бориб қайтмасин.
Давлат идоралари вакилларининг барчаси хориж сафарларига давлат бюджети ҳисобидан боради ва бу беҳудага бўлмаслиги керак», дея президент сўзларини келтирмоқда Kun.uz мухбири.
Президент ҳокимлар, вазирлар ва бошқа масъул шахсларнинг хорижий мамлакатларга сафари давлатга фойда учун хизмат қилиши кераклигини таъкидлаб ўтди.
«Ким менга келиб, фалон давлатга бориб, фалон нарсани ўрганиб қайтмоқчиман, деса мен ҳеч қачон йўқ демайман. Бунинг учун давлат бюджетидан пул ажратамиз. Буни боришсин, кўришсин, қаерда қайси тизим қандай ишлаётганини, нималарни ўрганишимиз мумкинлигини билишсин, ташаббус кўрсатишсин, деб қиламиз. Фақат бундан фойда олиб қайтиш керак, беҳудага вақт сарфлаш керак эмас», – дейди давлат раҳбари.
«Сенаторлар ҳам қайси давлат тажрибасини ўрганишимиз кераклиги, қайси мамлакатнинг йўли биз учун мақбуллиги ҳақида таклифлар берсин. Мен сизлардан буни кутяпман», – дея қўшимча қилган Мирзиёев.
Мавзуга оид
21:05 / 30.09.2024
Юқори тезликдаги ва тезюрар поездларда йўловчи ташиш хизмати тарифлари эркинлаштирилади
18:20 / 30.09.2024
Ўзбекистон умумий иқтисодиётида креатив иқтисодиёт улуши оширилади
08:52 / 28.09.2024
Сенатнинг навбатдаги ялпи мажлиси 30 сентябр куни чақирилади
16:47 / 26.09.2024