Трамп АҚШнинг Эрон билан "дўстлашиши" шартини айтди
Агарда Эрон тинчликка интилса, АҚШ у билан дўстлашишга тайёр, деди Америка президенти Дональд Трамп.
"Эрон раҳбарлари бошқа давлатларга таҳдид қилишни бас қиладиган ва ўз мамлакатлари қурилишига эътибор берадиган вақт келди. Эрон раҳбарлари биринчи ўринга эронликларни қўядиган вақт келди. Америка чин дилдан тинчлик ва ҳурматга интилувчи барча билан дўстлашишга тайёр. Американинг бугунги дўстларидан кўпи қачонлардир асосий душманларимиз бўлган. АҚШ доимий душманлар бўлишига ҳеч қачон ишонмаган", - деди Трамп БМТ бош ассамблеясида сўзга чиқиб.
Нью-Йоркда 24 дан 30 сентябргача БМТ бош ассамблеясининг 74-сессияси бўлиб ўтади.
Эслатиб ўтамиз, шу кунларда Саудия Арабистони ҳукумати ўз ҳудудидаги нефть объектларига қилинган ҳужумларга жавобан ҳар қандай чора қўллашга тайёрлигини маълум қилди. Бундан ташқари, расмий Ар-Риёд бу ҳужумлар учун масъулиятни Эрон зиммасига юкламоқда. Теҳрон эса бу айблов асоссиз эканини таъкидламоқда.
Мавзуга оид
08:30
Зеленский Байдендан Трамп ғалаба қозонган тақдирда кафолат сўрамоқда
20:21 / 23.09.2024
Трамп сайловда ютқазса, яна президентликка номзодини қўймаслигини айтди
22:03 / 22.09.2024
Трамп Ҳарриснинг дебат ўтказиш ҳақидаги таклифини рад этди
23:13 / 21.09.2024