Қозоғистонда Ўзбекистон фуқароси ЙТҲ оқибатида ҳалок бўлди

Ўзбекистоннинг Ақтау шаҳридаги (Қозоғистон) бош консулхонаси маълумотига кўра, 2019 йил 15 декабрь куни Атирау-Астрахан автомобиль трассасида Атирау вилояти ҳудудида Ўзбекистон фуқароси Б.Ш. бошқарувидаги автомобиль ҳалокатга учради. 

Ташқи ишлар вазирлиги маълумотида айтилишича, йўл-транспорт ҳодисаси натижасида Ўзбекистон фуқароси воқеа жойида вафот этди.

Бош консулхона вазиятни назоратга олди ва Қозоғистоннинг тегишли идоралари билан доимий алоқада бўлиб турибди.

Консуллик-ҳуқуқий департаменти марҳуманинг яқинлари ва оила аъзоларига таъзия изҳор этган ҳамда Қозоғистоннинг Ақтўбе, Атирау, Манғистау ва Ғарбий Қозоғистон вилоятларида бўлиб турган Ўзбекистон фуқаролари зарур ҳолларда мамлакатнинг Ақтау шаҳридаги бош консулхонасига +7-29-277-71-17 телефон рақами орқали мурожаат қилишлари мумкинлигини эслатган.