АҚШда коронавирус эпидемияси сабабли минглаб маҳбуслар қўйиб юборила бошланди
АҚШда коронавирус эпидемияси сабабли минглаб маҳбуслар қўйиб юборила бошланди. Озодликка оғир жиноятлар содир этмаганлар чиқарилмоқда. Ҳукумат эпидемия оқибатида нафақат маҳбуслар, балки қўриқчилар ҳам касалланиши мумкинлигидан хавфсирамоқда.
Маҳбуслар бир нечта штатда озодликка чиқарила бошланган. Бу ҳақда The Wall Street Journal нашри хабар берди. Озодликка, жумладан, кекса ёшли ва соғлиғи яхши бўлмаган маҳбуслар ҳам чиқарилмоқда.
Бундан ташқари, Калифорния, Нью-Йорк, Огайо ва Техас штатлари маъмуриятлари турмаларга ташриф буюрувчиларни киритишни тақиқлаш, маҳбусларнинг турма ичида ҳаракатланишини чеклашга қарор қилган.
Таъкидланишича, АҚШда ҳаммаси бўлиб 2,2 млнга яқин маҳбус бор. Ҳукумат юзага келган вазиятда нафақат маҳбуслар, балки кўплаб қўриқчилар коронавирусга чалинишидан хавотирланмоқда.
Маълум қилинишича, Пенсильвания, Мичиган, Нью-Йорк ва Вашингтон штатларида қўриқчиларда коронавирус аниқланган ҳолатлар қайд этилган.
Мутахассисларнинг маълумотларига кўра, АҚШ турмаларида 55 ёшдан катта бўлган 164 мингдан кўпроқ маҳбус сақланади. Турмалар ходимлари коронавирусга чалингудек бўлса, бу маҳбусларга турмаларда ёрдам бериш имкони бўлмайди.
Ҳукуматнинг ишонтиришича, гап маҳбусларнинг катта кўламли озод қилиниши ҳақида бормаяпти.
Мавзуга оид
20:47 / 02.10.2024
Мулойим дуранг – АҚШ вице-президентлигига номзодлар дебат ўтказди
12:30 / 02.10.2024
АҚШ Су-35'нинг Аляска яқинидаги «хавфли манёври»ни танқид қилди
23:47 / 01.10.2024
Байден америкалик ҳарбийларга Исроилга ёрдам беришни буюрди
20:41 / 01.10.2024