Озарбойжонда алоҳида карантин режими 1 июлгача узайтирилди

Бундан ташқари, 14 июндан 16 июнгача пойтахт Боку ва яна тўққизта шаҳар ҳамда регионда қатъий карантин режими ўрнатилади.

Озарбойжон ҳукумати мамлакатдаги алоҳида карантин режимини 1 июлгача узайтирди. Бу ҳақда вазирлар маҳкамаси ҳузуридаги тезкор штаб маълум қилди.

"Озарбойжондаги санитар-эпидемиологик вазиятни таҳлил қилиб ва кейинги кунларда касаллик юқтиришлар сони ўсишини инобатга олиб, алоҳида карантин режимини 2020 йилнинг 1 июлигача узайтиришга қарор қилинди", - дейилади штаб хабарида.

Аввалроқ мамлакатда 15 июнгача алоҳида карантин режими жорий этилганди. Бундан ташқари, 14 июндан 16 июнгача пойтахт Боку ва яна тўққизта шаҳар ҳамда регионда қатъий карантин режими ўрнатилади.

Ҳукумат шунингдек, коронавирус пандемияси сабабли мамлакатга кириш ва чиқишга қўйилган чекловларни ҳам 1 июлгача узайтирди.

Охирги маълумотларга кўра, Озарбойжонда коронавирус юқтирганлар сони 8200га яқинлашган, 98 киши вафот этган.

Тайёрлаган: Дилшод Аскаров

#Озарбойжон #карантин

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.