Таъмирлаш ишлари туфайли Тошкент марказидаги айрим кўчалар икки суткага ёпилди
Тошкент шаҳрида 6 июль соат 14:00дан бошлаб икки сутка давомида айрим кўчаларда йўл таъмирлаш ишлари олиб борилади.
Қуйидаги кўчаларда икки сутка давомида ҳаракат чекланади:
– Абай кўчасининг Алишер Навоий кўчасидан Зулфияхоним кўчасигача бўлган қисми;
– Абдулла Қодирий кўчасининг Абай кўчасидан Зарқайнар ва Сағбон кўчалари кесишмасидаги айланма йўлгача бўлган қисми.
Шаҳар ҳокимлиги хабарига кўра, бу жараёнда йўл қатнов қисмининг фақат битта чизиғи автомобиллар ҳаракатланиши учун очиқ бўлади.
«Тирбандликларнинг олдини олиш мақсадида ҳайдовчиларга айланма йўллар орқали ҳаракатланиш тавсия этилади», дейилади хабарда.
Аввалроқ Навоий кўчасининг Ўрдадан Чорсугача бўлган қисми таъмирланаётгани маълум қилинганди.
Бундан ташқари, шу кунларда Абдулла Қодирий ва Лабзак кўчаси кесишмасидаги кўприкда ҳам таъмирлаш ишлари олиб борилмоқда. Ишлар 22 июлга қадар давом этиши хабар қилинган.
Шунингдек, Чилонзор туманидаги Чилонзор кўчасининг бир қисми 24 июлгача ёпилган.
Мавзуга оид
07:30 / 21.09.2024
Тошкентда машинасини сотишни айтиб, ўзганинг пулини ўзлаштирган шахс ушланди
14:28 / 20.09.2024
Сергелида BYD уриб юборган ўқувчи қиз вафот этди
12:20 / 20.09.2024
Тошкентда тезлиги юқори BYD мактаб ўқувчисини уриб юборди
18:58 / 19.09.2024