Махсус милиция кучлари Минск марказидаги кўчаларни ўраб олмоқда

9 август куни мамлакатда президентлик сайлови бўлиб ўтди. Экзитпол натижалари эълон қилингач, Минск маркази ва Беларуснинг бошқа шаҳарларида оммавий норозилик намойишлари бошланди.

Фото: Sputnik

Беларусь ҳуқуқни муҳофаза қилиш органлари ходимлари мамлакат пойтахтидаги кўчаларни ўраб олди.

Атроф металл тўсиқлар билан ўралган, куч ишлатиш тузилмаларининг махсус техникалари етиб келди, шаҳарда мобил алоқа фаолияти тўхтамоқда, деб хабар берди ТАСС мухбири.

Хабар қилинишича, вазият ҳозирча тинч, кўплаб одамлар тўпланиши кузатилмаяпти.

9 август куни мамлакатда президентлик сайлови бўлиб ўтди. Дастлабки маълумотларга кўра, президент Александр Лукашенко 80,08 фоиз овоз тўплаган. Унинг асосий рақиби ҳисобланган Светлана Тихановская 10,09 фоиз овозга эга бўлди.

Экзитпол натижалари эълон қилингач, Минск маркази ва Беларуснинг бошқа шаҳарларида оммавий норозилик намойишлари бошланди. ИИВнинг маълумот беришича, 3 мингга яқин киши қўлга олинган, ўнлаб тартиб посбонлари ва намойишчилар жароҳатланган.

#намойиш #Минск

2020 йилнинг 9 августида Беларусда президентлик сайловлари ўтказилади. 26 йилдан буён мамлакатни бошқараётган Лукашенко бу сафар ҳам номзодини қўйган.