Қўшимча функционаллар
-
Тунги кўриниш
Алиев Россия ва Туркия Тоғли Қорабоғдаги хавфсизликни таъминлашда қатнашишини айтди
Туркия парламенти президент Ражаб Тоййиб Эрдўғаннинг Озарбойжонга ҳарбийларни юбориш ҳақидаги фармонини маъқуллади.
Фото: EPA-EFE/TATYANA ZENKOVICH / POOL
Озарбойжон президенти Илҳом Алиев Россия ва Туркия ҳарбийлари Тоғли Қорабоғдаги "озарбойжонлар ва арманлар хавфсизлигини таъминлаш бўйича операцияларда" иштирок этишини айтди.
Унинг сўзларига кўра, Россия, Озарбойжон ва Арманистоннинг Тоғли Қорабоғда ўт очишни тўхтатиш тўғрисидаги баёнотини минтақадаги барча мамлакатлар қўллаб-қувватлади.
"Барча қўшниларимиз қўллаб-қувватлашларини билдирди. Икки қўшнимиз - Россия ва Туркия озарбойжонлар ва арманлар хавфсизлигини таъминлаш бўйича операцияларда иштирок этади", - деди Алиев.
9 ноябрда Озарбойжон президенти Илҳом Алиев, Арманистон бош вазири Никол Пашинян ва Россия президенти Владимир Путин Тоғли Қорабоғда ўт очишни тўхтатиш тўғрисида баёнот имзолади. Унга кўра, Озарбойжон ва Арманистон эгаллаб турган позицияларида қолади, минтақада россиялик тинчликпарварлар жойлаштирилади.
Аввалроқ Туркия парламенти президент Ражаб Тоййиб Эрдўғаннинг Озарбойжонга ҳарбийларни юбориш ҳақидаги фармонини маъқуллаганди.
Қорабоғ уруши
Мавзуга оид
00:59 / 21.11.2024
Озарбойжон 2025 йилги мудофаа харажатларини оширади
14:26 / 13.11.2024
БМТ суди: Арманистон ва Озарбойжоннинг даъволари бизнинг юрисдикциямизда
17:29 / 12.11.2024
Мирзиёев БМТ миқёсида Дарё экотизимларининг бутунлиги декларациясини тузишга чақирди
23:45 / 11.11.2024