Қўшимча функционаллар
-
Тунги кўриниш
Колумбия россиялик дипломатларни жосусликда айблаб мамлакатдан чиқариб юборди
Дипломатик миссия ходимлари разведка фаолияти билан шуғулланишда гумонланмоқда.
Колумбия россиялик икки дипломатни жосусликда айблади ва уларни мамлакатдан чиқариб юборди. Бу ҳақда ҳукуматдаги манбаларига таяниб El Tiempo газетаси ёзмоқда.
Хабарда айтилишича, дипломатик миссия ходимлари Александр Паристов ва Александр Белоусов разведка фаолияти олиб боришда гумонланмоқда. Нашрнинг маълумотига кўра, улар Колумбияда икки йилдан ортиқ вақт давомида бўлишган. Дипломатлар Богота-Амстердам-Москва авиарейсида мамлакатни тарк этишган.
Улар Кали шаҳрида ҳарбий разведка мақсадида ахборот берувчиларни ёллаш билан шуғулланишгани айтилмоқда. Бундан ташқари, россиялик дипломатлар иқтисодий жосуслик билан ҳам шуғулланган, деб ёзади газета.
18 декабр куни Болгария россиялик дипломатни жосусликда айблаб мамлакатдан чиқариб юборганди. Қайд этилишича, у ҳарбий тусдаги махфий ахборот йиғиш билан шуғулланган.
Мавзуга оид
10:50 / 14.07.2026
Киев яна ракета ҳужумига учради
23:00 / 13.07.2026
«Қўлимга қурол олгандан кўра, ўрмонда ўлишга тайёр эдим» - 14 кунлик хавфли йўл
20:44 / 13.07.2026
Россия президентлиги сайловига қўйилмаган Борис Надеждин Москвада қўлга олинди
16:29 / 13.07.2026