Помпео Эронни "Ал-Қоида" билан ҳамкорликда айблади

Помпеонинг таъкидлашича, "Теҳрон "Ал-Қоида" билан алоқани бемалол қўллаб-қувватлар экан, Франция каби давлатларга ҳужум хавфи сақланиб қолаверади.

Фото: Reuters

АҚШ давлат котиби Майк Помпео Теҳронни "Ал-Қоида" террорчи ташкилоти билан алоқадорликда айблади.

"Эрон – бу "Ал-Қоида" учун муҳим географик марказ бўлган янги Афғонистон, аммо аслида бундан ҳам ёмон", - деди Помпео.

"Афғонистонда "Ал-Қоида" тоғларда яширинган бўлса, Эронда у Эрон режими ҳимояси остида ҳаракатланади", - деб қўшиб қўйди у.

"Теҳрон "Ал-Қоида" билан алоқани бемалол қўллаб-қувватлар экан, Франция каби давлатларга ҳужум хавфи сақланиб қолаверади, чунки Эрон "Ал-Қоида"ни саёҳат учун паспортлар билан таъминлайди, Германия хатарда қолади", - деб таъкидлади Помпео.

Аввалроқ АҚШ ва Саудия Арабистони Эронга қарши туриш учун ҳарбий ҳамкорликни мустаҳкамлашга келишиб олганди.