Айрим манбалар Теҳрон кутилмаган ҳужум амалга оширилишидан хавотирланаётганини айтмоқда.
Эрон АҚШ билан муносабатлар кескинлашуви фонида янги баллистик ракеталар ва дронларнинг кенг миқёсдаги синовини ўтказди. Ислом инқилоби муҳофизлари корпуси командири Ҳусайн Саломий Twitter-аккаунтида синовлар жараёнидан олинган лавҳаларни жойлаштирди.
با اقتدار برابر دشمنان ایستادهایم pic.twitter.com/r8TNTI58J0
— حسین سلامی (@salamy_ir) January 15, 2021
Эроннинг Press TV телеканалининг маълум қилишича, 15 январ куни «Зулфиқор», «Зилзал» ва «Дизфул» ракеталари синовдан ўтказилган. Хабарга кўра, ракеталар душманнинг ракета ҳужумидан мудофаа тизимини ёриб ўтувчи бошқариладиган жанговар каллаклар билан жиҳозланган.
Синовлар АҚШ билан охирги ойларда кескинлашган муносабатлар фонида ўтказилди. 2 январ куни Эрон ҳарбий-денгиз кучлари Форс кўрфазидаги жанговар тайёргарликни оширгани хабар қилинганди. Декабрда эса Пентагон Ироқдаги Айн ал-Асад ҳарбий базасини кучайтирган.
Айрим манбалар Теҳрон кутилмаган ҳужум амалга оширилишидан хавотирланаётганини айтмоқда.
Аввалроқ АҚШ ва Саудия Арабистони Эронга қарши туриш учун ҳарбий ҳамкорликни мустаҳкамлашга келишиб олгани хабар қилинганди.
