Исроилда коронавируснинг янги хавфли штамми аниқлангани маълум қилинди

Фото: Getty Images

Исроилда коронавируснинг янги штамми аниқланди. Yediot Ahronot нашрининг Исроил ҳарбий разведкаси бошқармаси (AMAN) ҳисоботига таяниб хабар беришича, янги штамм жадалроқ тарқалиш хусусиятига эга.

Разведка бошқармасида таъкидланишича, шу сабабли Исроилга хориждан келувчилар карантинга олиниши лозим.

Шунингдек, Исроил бош вазири Бинямин Нетаняху тез кунлар ичида Соғлиқни сақлаш вазирлиги ва ҳукумат ҳузуридаги Миллий хавфсизлик кенгаши билан Тел-Авивдаги Бен-Гурион аэропортининг 2 ҳафтага ёпилиши масаласини муҳокама қилади.

Тайёрлаган Шуҳрат Раҳимов

#Исроил #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.