Тошкентда «Гумбаз» – қурилиш материаллари бозори очилди

«Гумбаз» – исталган турдаги қурилиш материалларини топишингиз мумкин бўлган янги авлод қурилиш материаллари бозоридир. Бозор харидорларга «Cоbalt» автомашинасини ваъда қилмоқда.

31 март куни Тошкентда «Гумбаз» қурилиш материаллари бозори очилди.

Бозор 3 гектар ҳудудда жойлашган бўлиб, 300 та савдо дўкони ва 700та автомашина сиғимига эга автотураргоҳни ўз ичига олади.

Қулай навигация тизими ҳар бир харидорга исталган дўконни қулай топиб олишга имкон яратади.

Бозор менежерларининг сўзларига кўра, «Гумбаз»да Ўзбекистондаги бошқа қурилиш бозорларидан фарқли равишда савдо масалаларида тадбиркорларга ёрдам бериш ва маркетинг хизматларини кўрсатиш профессионал менежерлар кўмагида амалга оширилади. 

 «Бозоримизда ҳар бир масалага инновацион ечим билан ёндашилган. Ҳар бир маҳсулотнинг турига қараб бозор бир нечта бўлимларга ажратилган. Йўналтирувчи белгилар ёрдамида харидорлар ўзига керакли маҳсулотни топа олади. Ёши катта, ногирон ёки юришга қийналадиган мижозларимиз учун golf cart’ларимиз қўйилган бўлиб, улар автотураргоҳдан то дўкон эшигигача харидорни олиб бориб қўяди. Шунингдек, ортиб-тушириш учун махсус транспортлар ҳам мижозлар учун хизмат кўрсатади. Харидорларимиз wi-fi’дан бемалол фойдаланишлари мумкин. Дўконларимизда иситиш ва совитиш тизимлари мавжуд. Уни Ўзбекистон қурилиш бозорлари ичида янги авлод десак муболаға бўлмайди.

Ўзбекистондаги бошқа қурилиш бозорларидаги ноқулайликлар, мижозларнинг ҳаракатланишида қийинчилик юзага келаётгани каби муаммоларни ўрганиб чиқдик ва янги авлод қурилиш бозорини қуришга қарор қилдик», — дейди «Гумбаз» бозори менежери Отабек Муханов.

«Гумбаз» бозори харидорларни жалб қилиш мақсадида акциялар эълон қилган. Бозор ижарачи ҳамкорларга 3—6 ойга ижара тўлов учун чегирмалар тақдим этмоқда. Харидорлар учун  «Гумбаз» совғага «Cоbalt» автомашинасини қўйган. Бозорга келиб маълум бир миқдорда — 1-2 миллион сўм атрофида харид қилган мижозлар акцияда қатнаша олади, ютган харидор «Cоbalt» эгаси бўлиши мумкин.

«Гумбаз» бозорига ташриф буюрмоқчи ва керакли қурилиш материалларини сотиб олмoқчи бўлган харидорлар учун:

Манзил: Тошкент шаҳри, Яшнобод тумани, Оҳанрабо кўчаси 7.

Маълумот учун:

+99897 267 77 77

+99897 147 00 81

Электрон почта манзили: gumbazstroy@gmail.com

Веб-сайт: www.gumbaz.uz

Instagram: @gumbaz.uz

Facebook: fb.com/gumbaz.uz/

Telegram: t.me/Gumbaz

Реклама ҳуқуқи асосида